تاند(چهارشنبه، د میزان ۱۶) په افغانستان کې د ملګرو ملتونو استازې او د یونما مشرې دیبرا لاینز په خپلو تازه څرګندونو کې ویلي چې نړیواله ټولنه د افغانستان د سولې ملاتړې ده او په دې برخه کې به خپلو همکاریو ته ادامه ورکوي.
نوموړې ویلي اوس په دوحه کې د سولې هڅې روانې دي او تمه ده چې افغان جګړه ژر پای ته ورسېږي او له دې سره جوخت د افغانستان د اقتصادي ودې لپاره پراخ کار ته اړتیا ده.
د نوموړې په وینا اوس نړیوالې ټولنې او مرستندویه هېوادونو ته په کار ده چې له افغانستان سره د بیا رغونې په برخه کې خپلې ژمنې تازه کړي.
هغې ټینګار کړی چې پرمختللی افغانستان د ټولې سیمې په ګټه دی نو د پرمختګ رامنځ ته کول پراخ کار او د نړیوالو مرستو ته اړتیا لري.