تاند ( شنبه، د میزان ۱۲) افغان ولسمشرمحمد اشرف غني نن سهار د یوه لوړ پوړي پلاوي په مشرۍ پکتیکا ولایت ته تللی دی.
د ولسمشر ویاند وايي ټاکل شوې، چې محمد اشرف غني د پکتیکا د امنیتي وضعیت تر ارزونې وروسته د دې ولایت له چارواکو سره هم جلا ناسته ولري.
نوموړی وایي اشرف غني به د خپل سفر پرمهال له قومي مشرانو او ولسونو سره هم وګوري او د دوی ستونزې به واوري.
په ورته مهال ارګ په یوه خبرپاڼه کې ویلي، چې ولسمشر به د دې سفر په ترڅ کې له ملکي او نظامي چارواکو، دیني عالمانو، قومي مشرانو، متنفذینو، ښځو، ځوانانو او د دې ولایت له بېلا بېلو اقشارو سر جلا جلا لیدنې هم ولري.
جمهور رئیس غني داسې مهال پکتیکا ولایت ته په سفرتللی، چې په دې وروستیو کې په ټول هېواد کې امنیتي وضعیت د اندېښنې وړ بلل کېږي.