تاند (پنجشنبه د میزان ۱۰) چین وايي، له کرونا سره د مبارزې په موخه د مرستې یوه بله جوپه افغانستان ته لېږي.

په کابل کې د چین سفیر وانګ یو نن د بهرنیو چارو وزارت له سیاسي معین میرویس ناب سره په لیدنه کې یو ځل بیا له افغانستان سره د خپلو مرستو پر دوام ټینګار کړی دی.

د چین سفیر ویلي چې د کورونا وبا سره د مبارزې لپاره له افغانستان سره خپلو مرستو ته دوام ورکوي.

د نوموړي په خبره، هېواد به یې ډېر ژر له کرونا سره د مبارزې لپاره د مرستې یوه بله جوپه افغانستان ته ولېږي.

هغه د خپلو خبرو پر دوام ویلي، چین به له افغانستان سره په بېلابېلو برخو کې د پروژو د عملي کولو لپاره هڅې وکړي او زیاته کړې یې ده چې د افغان سولې برخه کې به رغنده رول ولوبوي.

د چین سفیر وانګ په داسې مهال د افغان سولې پروسې برخه کې په خپل رغنده رول لوبولو ټینګار کړی، چې د افغانستان د ملي روغې جوړې عالي شورا رئیس عبدالله عبدالله پاکستان ته د خپل سفر پر مهال له فرانس پرېس خبري اژانس سره خبرو کې ویلي، د حکومت او طالبانو مرکچي پلاوي د اختلافي مسایو پر سر هوکړې ته نږدې شوي دي.

https://taand.net/%d8%b9%d8%a8%d8%af%d8%a7%d9%84%d9%84%d9%87-%d8%af-%d8%ad%da%a9%d9%88%d9%85%d8%aa-%d8%a7%d9%88-%d8%b7%d8%a7%d9%84%d8%a8%d8%a7%d9%86%d9%88-%d9%85%d8%b1%da%a9%da%86%d9%8a-%d9%be%d9%84%d8%a7%d9%88%d9%8a/