تاند (سې شنبه د میزان ۸) د رسنیو د راپورونو له مخې سعودي عربستان کې د ښځینه لوبغاړو د یو لړ لوبو سیالۍ پیلېږي.
د سعودي عربستان حکومت ویلي چې دغه هېواد کې به د یوې اونۍ لپاره د ښځینه لوبغاړو د یو لړ لوبو سیالۍ تر سره شي چې دا به یو نړیوال ټورنمېنټ وي.
سرچینې زیاته کړې د ښځینه لوبغاړو د سیالیو دا ټورنمېنټ دوه پړاوونه لري چې بېلا بېلو لوبو سیالۍ پکې تر سره کېږي.
دغو لوبو ته له اروپا او د نړۍ له یو شمېر نورو هېوادونو هم ښځینه لوبغاړې وربلل شوي او ورغلې دي.
د سعودي عربستان حکومت ویلي چې د لوبو دا سیالۍ به د روغتیايي تدابیرو په پام کې نیولو سره تر سره شي.