تاند ( سه شنبه، دمیزان ۸) د هند غوره ليګ ( آي پي اېل) سیالیو لسمه لوبه تېره شپه د رایل چلېنجرزبنګلور او ممبی انډينز ترمنځ ترسره شوه.
په دې لوبه کې لومړۍ توپوهنه رایل چلېنجرزبنګلور بنګلور ترسره کړه، چې په ټاکلو ۲۰ اورونو کې یې مقابلې لوبډلې ته د ۲۰۲ منډو هدف ورکړ.
په لومړۍ پاڼې کې د بنګلور لوبډلې درې لوبغاړو نیمه سلیزه ووهله.
مقابلې لوبډلې ممبی انډینز که څه هم پيل کمزوری وو خو په وروستیو کې د اېشان کېشن او پولارد بریدګرې توپوهنې لوبه سوپر اور ته ورسوله.
په دې پاڼې کې کېشن ۹۹ منډې د خپلې لوبډلې لپاره ترسره کړې.
سوپر اور:
په سوپر اور کې پولارد او پانډيا د توپ وهنې لپاره لوبغالي ته راښکته شول خو څنګه چې تمه وه ونه ځلېدل او بنګلور لوبډلې یواځې ۸ منډې هدف ورکړ.
بنګلور لوبډلې ټاکل شوی هدف په وروستي بال د وېرات کولي د څلوريزې پرمټ پوره او لوبه یې وګټله.