تاند (دوشنبه، د میزان ۷) په امریکا کې یوې محکمې پر ټیک ټاک د امریکايي حکومت د بندیزونو مخنیوی کړی دی.
د وروستیو راپورونو له مخې د امریکا د حکومت د فرمان له مخې باید تېره شپه ټيک ټاک له امریکایي وېب پاڼو او انټرنیټي پلورنځایونو لرې کړای شوی وای، خو دغه کمپنۍ په واشنګټن کې یوې محکمې ته په شکایت کې د حکومت دا کار د امریکا د اساسي قانون پرضد عمل وباله.
خو په ورته مهال په واشنګټن کې یوې محکمې د ټیک ټاک په ګټه پرېکړه وکړه، د ټرمپ سپارښتنه یې غیر قانوني وبلله او پر انټرنیټي وېبپاڼو یې په امریکا کې د ټیک ټاک ډانلوډولو ته موقتي اجازه ورکړې ده.
ټیک ټاک چینایي کمپني ده، چې په دې وروستیو کې ټرمپ ورباندې غیر قانوني فشارونه راوستي او دې مسئلې د امریکا غبرګون پارولی دی.