تاند(یکشنبه، د میزان ۶) د غیر مسوول وسله وال، علیپور ملېشو په میدان وردګو ولایت کې د پولیسو پر پوسته برید کړی دی.
د دغه برید په پایله کې څلور پولیس ټپیان شوي او دوه نور یې ژوندي له ځان سره بیولي دي.
د میدان وردګو د والي ویاند محب الله شریفزي د برید د پخلي ترڅنګ زیاته کړې، چې د علي پور وسله والو یو رینجر موټر، په یاده پوسته کې موجودې وسلې او مهمات هم له ځان سره وړي دي.
هغه ویلي چې دا پېښه تېره ورځ ناوخته د میدان وردګو ولایت بهسودو ولسوالۍ دویمې حصې چغچران سیمه کې رامنځته شوې ده.
دا دویم ځل دی چې علیپور د پولیسو پر پوستو بریدونه کوي خو مرکزي حکومت یې په اړه چوپه خوله دی.