تاند (شنبه د میزان ۶) د پاکستان کراچۍ ښار ته څېرمه نوري اباد سیمه کې د موټر چپه کېدو او پکې د اورلګېدنې له امله ۱۵ کسان مړه شوي دي.
سیمه ییزو چارواکو ویلي، په موټر کې ناڅاپي اورلګېدلی دی، چې د یوه ماشوم او موټر چلوونکی په ګډون ترې ۱۰ کسان روغ وتلي دي.
د چارواکو په وینا مړه شوي کسان ټول سوځېدلي، چې یو یې هم نه پېژندل کېږي.
د راپورونو له مخې په موټر کې ټول ۲۵ کسان سپاره وو چې ۱۰ تنه ژوندي ژغورل شوي دي.
پولیسو ویلي، په دې هکله یې څېړنې پیل کړي دي.