طارق ارین: په تېرو ۶ میاشتو کې طالبانو ۳۵۰۰ ملکیانو ته مرګ ژوبله اړولې

تاند ( سه شنبه، د میزان ۱) د افغانستان د کورنیو چارو وزارت ویاند طارق ارین وايي، طالبانو په تېرو شپږو میاشتو کې ۱۱۴۰ چاودنې کړي دي.

نوموړی دغه راز زیاتوي، چې په تېرو ۶ میاشتو کې د طالبانو په بریدونو کې کابو ۳۵۰۰ ملکیانو ته مرګ ژوبله اوښتې ده.

ارین وایي، یواځې په تېرو دوو اونیو کې د طالبانو په ترسره شوو بریدونو کې ۹۸ ملکي وګړي وژل شوي او ۲۳۰ نور ټپیان شوي دي.

https://taand.net/%da%ab%d9%88%d8%aa%d8%b1%db%90%d8%b4-%d9%84%d8%a7-%d9%87%d9%85-%d8%af-%d8%a8%d8%b4%d8%b1%db%8c%d8%aa-%d8%af-%d8%ae%d9%88%d9%86%d8%af%d9%8a%d8%aa%d9%88%d8%a8-%d9%be%d9%87-%d9%84%d8%a7%d8%b1%da%a9/

د نوموړي په خبره، طالبانو دغه بریدونه د هېواد په ۲۴ ولایتونو کې ترسره کړي، چې تر ټولو ډېر یې په ننګرهار اوتخار ولایتونو کې دي.

طالبانو که څه هم تر اوسه د کورنیو چارو وزارت د دې ادعا په تړاو غبرګون نه دی ښودلی، خو تر دې وړاندې یې په خپلو بریدونو کې د هر ډول ملکي مرګ ژوبلې راپورونه رد کړي دي.