تاند ( چهارشنبه، د سنبلې ۲۶) په ملګرو ملتونو کې د ایران دایمي استازي مجید تخت روانچي ویلي، چې د ایران پر وړاندې د ټرمپ ګواښ له نړیوالو قوانینو ښکاره سرغړونه ده.
روانچي ملګرو ملتونو ته شکایت کړی، چې د ټرمپ د تهدید او دغه راز د امریکا د نورو تهدیدونو په اړه دې پلټنې وکړي.
هغه ملګرو ملتونو ته ویلي، چې په دې اړه دې د نړیوالو قوانینو پر بنسټ خپله پرېکړه واوروي.
دا په داسې حال کې ده، چې تر دې وړاندې د امریکا ولسمشر ډونالډ ټرمپ ویلي وو، چې که ایران امریکا ته کوم ګواښ جوړ کړي نو د امریکا له څو چنده پیاوړي ځواب سره به مخ شي.
د دواړو هېوادونو ترمنځ اړيکې وروسته له هغه ترينګلې شوې کله چې د ایران د قدس ځواک مشر قاسم سليماني ووژل شو.
https://taand.net/7730/