تاند ( سه شنبه، دسنبلې ۲۵) د رسنیو د راپورونو له مخې په عرق کې د امريکا پر سفارت راکټي بريدونه شوي دي.
دا په تېرو څو میاشتو کې تر ټولو درانه راکېټي بریدونه بلل شوي، خو ویل کېږي په پېښه کې چا ته زیان نه دی اوښتی.
د معلوماتو له مخې په بغداد کې د امریکا سفارت په شنه ساحه کې دی، چې تر ټولو امنه ګڼل کېږي او د راکټ دفاعي سیستم هم لري.
بل لورته بيا د امریکا سفارت ادعا کوي، چې دوی د دفاعي سیستم په مرسته دغه بريدونه دفع کړي دي.
په عراق کې په دې وروستیو څو میاشتو کې د امریکا او وسله والو ملېشو ترمنځ سختې ناندرۍ روانې دي، چې څو ځله په همدې ناندريو کې د امریکا پرسفارت درانه بریدونه هم شوي دي.