تاند، پنجشنبه د سنبلې ۲۰مه: په کابل کې پر دوو دیني عالمانو مولوي ایاز نیازي او عزیزالله مفلح د برید طراح ونیول شو.
مولوي ایاز نیازی د وزیر اکبر خان جامع مسجد او مولي عزیزالله مفلح په کابل کې د شېرشاه سوري جامع مسجد خطیبان وو.
د ملي امنیت ریاست د یوې خبرپاڼې په خپرولو سره ویلي چې ځواکونو یې په ځانګړو عملیاتو کې د عبید په نوم کس چې په عکرمه مشهور و نیولی دی.
سرچیه کاږي دغه کس داعش ډلې سره تړاو لري چې په کابل کې یې په دوو دیني عالمانو د برید طرحه جوړه کړې وه.
د ملي امنیت ریاست د معلوماتو له مخې یاد کس د افغانستان په شمال او شمال ختیځو ولایتونو کې د داعش ډلې جنګي مسؤل هم وو.
مولوي عزیزالله مفلح او څلور نور لمونځ کوونکي د روان کال په جوزا میاشت کې په جومات کې د ځای پر ځای شویو چاودېدونکو توکو له امله ووژل شول.
دغه راز مولوي ایاز نیازی هم د روان کال د جوزا میاشتې په ۱۳ نېټه د وزیر اکبر خان جامع جومات کې په یوه بمي چاودنه کې ووژل شو.
باید د تحقیقاتو او مربوطه شبکی د پیداکولو نه وروسته سمدلاسه اعدام شی ، او دغسی جنایتکاران باید د اسلامی شریعت او اساسی قانون د مخی چه د قتل جزا اعدام ده ، په سزا ورسول شی .
تر هغو چی داسی قاتلین علنی په چمن حضوری کی اعدام نشی لنډغر او انسان وژونګی به په جرات سره خپلو عملیاتو ته ادامه بدون له کومه ویرې ادامه ورکوی.