 د ایران د رضوي خراسان ولایت د پولو په چارو کې د والي مرستیال علي رسولیان وايي، له افغانستان سره د ایران پر موجودو سرحدي تجارتي لارو سربېره به یوه نوې لار پرانیزي.){kind=link}
تاند(سې شنبه، د سنبلې ۱۸) د ایران د رضوي خراسان ولایت د پولو په چارو کې د والي مرستیال علي رسولیان وايي، له افغانستان سره د ایران پر موجودو سرحدي تجارتي لارو سربېره به یوه نوې لار پرانیزي.
د ایرنا د راپور له مخې، رسولیان د دوشنبې په ورځ وویل، د شمتیغ سرحدي لاره، چې د خاف – هرات د رېللارې په اوږدو کې پرته سیمه ده، پرانیستل کېږي.
د ده په وینا دا نوې سرحدي لار تر مطالعې لاندې ده او له پرانیستل کېدو سره به یې د ایران رضوي خراسان ته ډېرې اقصتادي ګټې په برخه شي.
رسولیان وايي، دا نوې پروژه به په دوو میاشتو کې بشپړه او پرانیستل شي.
ده همداراز وویل چې د ایران د خاف او هرات ښار ترمنځ رېللار به نه یوازې د تجارتي مالونو د ترانزیت لګښت کم کړي بلکې پر دوغارون بندر به بیروبار کم کړي.
حاضردمه د ایران او افغانستان ترمنځ درې سرحدي لارې په رسمي ډول فعالې دي.
تمه کېږي چې د چابهار – زرنج ترمنځ د رېللارې د جوړېدو له کبله د ایران له لارې د افغانستان واردات او صادرات لا ډېر شي.
ایران وايي چې سږ کال به یې افغانستان ته صادرات ۳ ملیارد ډالرو ته ورسېږي.
داسې نشي چې د افغانستان ټول مارکېټ د ایران لاس ته وروغورځي. حکومت باید د کور دننه تولیداتو ته ډېر لمړيتوب ورکړي او هم یې باید ننګه وکړي. مونږ ولې باید د ایران د بسکوېټو لپاره په میلیونونو ډالره د دوی حسابونو ته ور ولېږو او داسې نور.