تاند، دوشنبه د سنبلې ۱۷مه: چین وايي د افغان سوداګرو د ستونزو حل ته ژمن دی او په دې برخه کې به خپلې به خپلې هڅې جاري وساتي.
د افغانستان د بهرنیو چارو وزرات څخه په خپره شوې خبرپاڼه کې راغلي، د چین سفیر وانګ یو د افغان سوداګرو ستونزې له نږدې اورېدلي دي او ژمنه یې کړې چې د حل لپاره به یې هڅې کوي.
دغه ناسته چې پرون د بهرنیو چارو وزارت کې تر سره شوې د چین سفیر وانګ یو ویلي، له افغانستان سره په بېلا بېلو برخو کې د اړیکو د لا پراختیا په لټه کې دی او غواړي د افغان سوداګرو ستونزې به حل کړي.
د ښاغلي وانګ په خبره له افغان سوداګرو سره په اړیکه کې دی او ددوی ستونزې به له نږدې څاري.
بلخوا د افغانستان د بهرنیو چارو وزارت هم له چین څخه مننه کړې چې تل یې د افغان سوداګرو د ستونزو د حل لپاره اقدام کړی دی.