تاند (پنج شنبه، د سنبلې ۱۳) د ننګرهار ولایت لعلپورې ولسوالۍ د پوهنې پر مدیر نن مازدیګر وسله وال برید شوی.
د والي ویاند عطاالله خوږیاڼي تاند وېب پاڼې ته وویلې، چې په دې برید کې د پوهنې آمر فضل الله په ګډون درې تنه ټپیان شوي او د یو تن وژل شوی دی.
خوږیاڼی زیاتوي وژل شوی کس د ننګرهار دپوهنې ریاست د نظارت غړی وو.
د پېښې علت لا نه دی معلوم خو د والي ویاند وایي، چې ولایتی ادارې امنیتي ځواکونو ته جدي لارښوونه شوې،چې قضیه په جدي ډول تعقیب او عاملین یې د قانون منګولو ته وسپاري.
د دې پېښې مسولیت تر اوسه چا پر غاړه نه دی اخیستی.
هر چا چې کړی د تعليم او افغانستان دښمن دی، په ننګرهار کې يو ځل بيا وضعيت ورځ تر بلې خرابېږي او چارواکي کرار ويده دي يا د خپلو غلاوو نه خلاصېږي ترڅو د ملت ستونزې واوري.