تاند (دوشنبه، د سنبلې ۱۰) د اسراییلو د حکومت مسولانو ویلي، چې لومړنۍ الوتکه به یې نن له پلازمینې د اماراتو پر لور حرکت کوي.
راپورنه وایي، چې دغه الوتکه به د سعودي عربستان له اسمان څخه تېرېږي.
د معلوماتو له مخې دا به لومړی ځل وي، چې د اسراییلو یوه الوتکه د عربستان په اسمان کې تېرېږي او اماراتو ته ځي.
اسراییلي حکومت وایي، چې پر الوتکه د سلام او سولې کلیمې لیکل شوې دي.
د اسراییلو چارواکو زیاته کړې، چې دوی د اړیکو د لا پراختیا په لټه کې دي او هڅه کوي د دواړو هېوادونو ترمنځ د الوتنو او تګ راتګ لړۍ وغځېږي.
بل لورته امریکا وایي هیله لري، چې د نورو عربي هېوادونو او اسراییلو ترمنځ هم دغه ډول هوکړې رامنځته شي.
د متحده عربي اماراتو او اسرائیلو ترمنځ شوې هوکړې د ګڼو هېوادونو غبرګونونه هم راپارولي وو.