تاند، شنبه د سنبلې ۸: پاکستان کې د وروستیو سختو بارانونو او سېلابونو له امله ۸۰ کسان مړه او په سلګونه نور ټپیان شوي دي.
د پاکستان د طبیعي پېښو پر وړاندې د مبارزې چارواکي وايي، چې دا سیلابونه په خیبرپښتونخوا، کراچۍ او سند ایالت کې راوتلي دي.
په ورته مهال د کراچۍ چارواکي خبر ورکوي چې دوی ته د اتیا کسانو د مړینې راپورونه رسېدلي دي.
د چارواکو د معلوماتو پر اساس د یادو کسانو له ډلې ۴۷ هغه یې له کراچۍ، ۱۴ یې پښتونخوا او پاتې نور یې له سند ایالت سره تړاو لري.
د چارواکو په وینا دا کسان د دیوالونو غورځېدو، د برېښنا شارټیواو دغه راز د تندر غورځېدو پېښو کې مړه او ټپیان شوي دي.