تاند ( پنج شنبه، د سنبلې ۶) د افغانستان د بهرنیو چارو سرپرست وزیر حنیف اتمر سبا په یو رسمي دوه ورځني سفر ازبکستان ته ځي.
ازبېک رسنۍ وایي ټاکل شوې، چې حنیف اتمر د لوړپوړي پلاوي په مشرۍ له ازبېک چارواکو سره پر بېلابېلومسایلو خبرې وکړي.
سرچینې وایي تر ډېره به د دغه خبرو تمرکز پر دوه اړخیزو اړیکو او سوداګریزو اسانتیاوو وي.
د سرچینو په حواله دغه راز به په دې خبرو کې د افغانستان سوله هم د ازبیک او افغان چارواکو د بحث وړ مسئله وي.
د یادولو ده ، چې ازبکستان تر دې وړاندې هم په ټینګار سره ویلي، چې له افغانستان سره په بېلابېلو برخو کې خپلو همکاریو ته ادامه ورکوي.
یاد هېواد په ځلونو د بین الافغاني خبرو کوربه توب ته هم چمتووالی ښودلی دی.