تاند، چهارشنبه د سنبلې ۵: د کندهار ځايي چارواکي وايي وسله طالبانو ددغه ولایت پر شاولیکوټ ولسوالۍ برید کړی دی.
د راپورونو له مخې د افغان ځواکونو او طالبانو تر منځ له تېرې شپې د نن سهار تر اوو بجو نښتې دوام کړی چې امنیتي پوځیان پکې طالبانو ته د درنې مرګژوبلې د اړولو ادعا کوي.
چارواکي وايي د طالبانو برید یې پر شا تمبولی او په یاده نښته کې یې ۱۸ طالب جنګیالي وژلي خو امنیتي ځواکونو ته یې د اوښتې مرګژوبلې په هکله څه نه دي ویلي.
د سرچینې په خبره اوسمهال په سیمه کې چاڼېز عملیات پیل شوي دي.
د کندهار شاولیکوټ ولسوالۍ له زابل او ارزګان سره پر پوله پرته ده چې وخت ناوخت ترې پکې د امنیتي ځواکونو او طالبانو تر منځ نښتې کېږي.