د کرنې او مالدارۍ وزارت ویاند اکبر رستمي وايي چې د سمنګان ولایت په څه باندې ۴۲ زره او ۵۰۰ هکټاره ځمکه کې د پستې بڼونه جوړ شوي خو سږني حاصلات یې تر اوسه نږدې ۶۹ مټریک ټنو ته رسېدلي دي.
ښاغلی رستمي د سې شنبې په ورځ تېر کال په دغه ولایت کې د پستې ۲۱۲ ټنه حاصل راټول شوي وو.
د نوموړي په وینا د سمنګان د پستې حاصلات سږ کال سيليو او ږلیو ځپلى دي.
ښاغلی رستمي وايي، له دې امله سلګونه کورنۍ د ګټې له يوې مهمې سرچينې بې برخې شوي دي.
خو په خبره یې، دوی هڅه کوي چې په هېواد کې د پستې ډېر بڼونه جوړ کړي.
د یادونې ده چې د کرنې، اوبولګولو او مالدارۍ وزارت په سمنګان ولایت کې د پستې پنځه زره او ۲۰۰ هکټاره کروندې جوړې کړي دي.