تاند ( سه شنبه، د سنبلې ۴) د افغانستان د بهرنیو چارو وزارت په یوه خبرپاڼه کې ویلي، چې د دې وزارت سرپرست وزیر حنیف اتمر د افغانستان لپاره د چین له ځانګړي استازي لیوجین سره تلیفوني خبرې کړې دي.
سرچینه وایي دواړه لوري پر افغان سوله، دوه اړخیزو اړیکو، د تاوتریخوالي کمېدلو، اقتصادي پراختیا او نورو اړوندو مسایلو خبرې کړې دي.
لیوجین ویلي، چې دوی د افغانستان د سولې له پروسې خپل ملاتړ ته ادامه ورکوي او د دې غوښتونکي دي، چې ژر تر ژره بندیان خوشې او بشردوستانه اوربند وشي.
نوموړي زیاته کړې په افغانستان کې روانه اوږده جګړه د خبرو له لارې د حل وړ ده.
په ورته مهال د افغانستان د بهرنیو چارو سرپرست وزیر حنیف اتمرهم چین د افغانستان ښه ملګری بللی هېواد بللی دی.