تاند ( پنج شنبه، د اسد ۳۰) د میدان وردګو د ولسوالۍ ځایي خلکو نن د اعتراض په ډول د کابل ـ کندهار لویه لار تړلې ده.
اعتراض کوونکي وایي، چې د افغان ځواکونو له لوري په توغول شوو توپونو کې ملکي وګړو ته تلفات اوښتي دي.
دوی وایي د دغه ولایت په دراني سیمه کې افغان ځواکونو ډي سي توپونه توغولي، چې له امله یې د یوې مېرمنې په ګډون پنځوملکیانو ته مرګ ژوبله اوښتې ده.
لاریون کوونکو دغه راز د کابل – کندهار د لارې سربېره د کابل ـ بامیانو لار هم د تګ راتګ پرمخ تړلې ده او هیچا ته د تګ راتګ اجازه نه ورکوي.
لاریونوال له حکومت غواړي، چې د پېښې عاملین پیدا او د قانوني چلند ورسره وکړي.
تراوسه افغان چارواکو په دې تړاو رسنیو ته څه نه دي ویلي.