تاند ( یک شنبه، د اسد ۲۶) د فاطمې سلطاني په نوم یوې افغانې غر ختونکې نجلۍ نوی رېکارډ جوړ کړ.
نوموړې افغانه نجلۍ ۱۷ کلنه ده، چې د افغانستان ترټولو لوړغره ته په ختلو سره یې ریکارډ جوړکړی دی.
فاطمه سلطاني د بدخشان د هندوکش د غرونو په لړکې نوشاخ څوکې ته ختلې، چې دا څوکه ۷۴۹۲ متره لوړوالی لري.
د یادونې ده، چې د غر ختنې په دې سیالیوکې د کابل، بامیان، بغلان، بدخشان، میدان وردګ، غزني او هرات ولایتونو څخه درې نجونو او شپږو هلکانو برخه اخیستې وه.
یاد شمېر غرختوونکو د ۲۰۲۰ کال په جولای میاشت کې خپل مزل پیل کړی و.
دغه غرختونکي درې اوونۍ وروسته د اګست پر۶ نېټه د شپې اوه بجې د نوشاخ څوکې ته رسېدلي دي.