تاند (یک شنبه، د اسد ۲۶) په لغمان کې د خپلواکۍ د بیا ترلاسه کولو ۱۰۱ مې کالیزې په ویاړ مشاعره ترسره شوه.
په دې مشاعره کې، چې تېره شپه ترسره شوه د ختیځ زون ګڼو لیکوالو، شاعرانو او د ادب مینه والو ګډون کړی وو.
په دې پروګرا کې مشاعره،تمثیلي پارچې، ورزشي نندارې او د سندریز ماښام بېلا بېل پروګرامونه ترسره شول.
د لغمان د اطلاعات او کلتور رئيس اورنګ صمیم په دې جوړ شوي پروګرام کې د خپلې وینا پرمهال و د شعر او ازادۍ په ارزښت هر اړخیزې خبرې وکړې.
صمیم زیاته کړه، چې له دا ډول مشاعروڅخه یې موخه په ځوان نسل کې د هېوادنۍ مینې او د خپلو ملي اتلانو سره د دوی لا ښه پیژندل دي.
په دې مراسمو کې د لغمان د تیاتر لوبغاړو هم د آزادۍ په ویاړ نندارې ترسره او دغه راز د تکواندو لوبغاړو بیا بیلابیل نمایشونه ترسره کړل.
د اسد ۲۸ مه د هېواد د خپلواکۍ د بیا ترلاسه کولو ورځ هرکال دا ورځ په ټول هېواد کې په خورا شاندارو مراسمو نمانځل کیږي خو؛ د عامو خلکو په خبره سږکال ورته نیول شوی چمتووالی بې خونده دی.