–  چې ژمي وي لمر شي او جنازه غټه وي، نور نو مړی څه غواړي.

د انا خړبخونه پیچکه لمر ته وبرېښېده.سترګې يې وړې راښکاره شوې.وروځې ببرې، لکه د پولو شاوخوا نا رېبل شوي واښه. د جاینماز یوه ژۍ يې واړوله

–  تابوت يې د یوویشت تنو پر اوږو و.

–  بختوره وه.

–   وصیت يې د خپل مړي بدرګه و .

– عجیبه ښځه وه.

–  د جسم بدرګه روح ته څه فایده لري ?

–  بچۍ روح او جسم یو بل پورې تړلي.

–  چې مړه شوو روح له تنه بېلېږي.

 جایمناز یې ټول کړ.له جېبه يې تسپې را وایستې د لرګي رنګ يې اوښتی و.

 –   که تن عذاب ولید روح نارامېږي.

له لرې نږدې د آذانونو یو ځای غږونه پورته شول، څو غږه یو بل سره ګډ وو نه سهي کېدل .تسپې يې جېب ته کړې، مخ  قبلې ته يې لاسونه لپه کړل:

 –   خدای دې وبخښي .

۲۰۲۰ د جنوري لومړۍ نېټه