سه شنبه, مې 28, 2024
Homeادبشعرغزل/ عصمت قانع

غزل/ عصمت قانع

چې د زړه تاو د خولې خبره نه کړم څه وکړمه

دا روح مې خلاص د درد له شره نه کړم څه وکړمه

 

د چیغو زور مې ددې ښار لمن کې نه ځایږي

لار د صحرا چې ځان ته غوره نه کړم څه وکړمه

 

د لمبو سیند مې د رګونو پر پېچومو خېژي

لار د ساحل چې بې ګودره نه کړم څه وکړمه

 

زه چې اورونه څښم ساقي خو دوزخي تږی یم

جام چې د ژوند ډک له کوثر نه کړم څه وکړمه

 

د ژوند پرستو د مذهب دستور همدغه وایي

دا د غم سانده چې سندره نه کړم څه وکړمه

 

د کابل څړیکي د دردونو بل شریک نه لري

چې غم شریک دې پېښوره نه کړم څه وکړمه

 

قانع خو تل د زړه تارونه په نغمو اړوي

چې دې ټپه ټپه پر هره نه کړم څه وکړمه

6 COMMENTS

  1. د قانع صاحب لیکنه مې ځکه خوښيږي، چې لوڅه او لغړه وي او حقايق پکې له ورايه بريښي. اوږد ژوند ورته غواړم.

  2. رښتیا هم چه قانع صیب یو ه ښه او په زړه پورې خنجره او ښکلی قلم لری دده په په شعر او شاعری کی خقیقت له ورایه ښکاری

LEAVE A REPLY

Please enter your comment!
Please enter your name here

- Advertisment -

ادب