تاند – د هند د سینما ستوری عرفان خان، چې د بالیوود د سینما خلاف یې په فلمونو کې خورا طبیعي کار کاوه، په ۵۳ کلنۍ کې ومړ.
عرفان خان په ۲۰۱۸ م کال په اندوکرین تومور (دانه) اخته شو. وروسته لندن ته لاړ او په یوه روغتون کې بستر شو. اندوکرین تومور داسې ناروغي ده چې پر هغو حجرو اغېز کوي چې د انسان د وینې د جریان په سیستم کې هورمون ترشح کوي.
عرفان خان په دې مشهور و چې په فلمونو کې یې د هندي سینما خلاف بې مبالغې رول لوباوه.
د ده په مړینه د هند د سینما منلو ستورو لکه امیتابچن غمرازي ښکاره کړې ده.
د هند صدراعظم نریندر مودي د عرفان خان مړینه د نړۍ د سینما او تیاتر لپاره یوه ضایعه بللې او پر خپله ټویټر پاڼه یې کښلي «عرفان خان به د هغو راز راز رولونو په خاطر چې لوبولي یې دي، له زړونو ونه وځي. د ده له کورنۍ، دوستانو او مینه والو سره خواخوږي څرکندوم. هیلبه من یم چې اروا یې تل خوشاله وي.»