تاند- د قیمتي موټرو د جوړولو یوې مشهورې کمپنۍ اعلان وکړ چې اندروید ځیرک ټېلفون جوړوي.
لامبورګیني شرکت، چې قیمتي موټرونه جوړوي، ویلي چې دا قیمتي ملفون یا موبایل سیټ به یې ۲۴۵۰ ډالره بیه ولري.
دا موبایل ټېلفون الفا ون (Alfa1) نومېږي، پوښ یې په ایټالیا کې له څرمن څخه په لاس ګنډل شوی او سکرین یا شیشه یې ۵ اعشاریه ۵ اینچه دی.
شاتنۍ کمره یې ۲۰ میګاپیکسله او مخکینۍ ۸ میګا پیکسله ده.
لامبورګیني وايي چې د دغه ټېلفون روزلوشن ۲۵۶۰ دی او ۱۴۴۰ پیکسله دی.
پروسیسر یې ۸۲۰، رم یې ۴ ګېګابایټه او داخلي حافظه یا میموري یې ۶۴ ګیګابایټه او ۱۲۸ ګیګابایټه حافظه ورزیاتېدای شي.
د الفا ون بېټرۍ ۳۲۵۰ میلي امپایره ده او دوه سیمکارتونه پکې اچول کېدای شي.