تاند- په امریکا کې یوې کمپنۍ د ایالتونو ترمنځ د لومړني هایپرلوپ د جوړولو قرارداد لاسلیک کړ.
هایپرلوپ هغه ټیوب دی چې په منځ کې یې رېلګاډی د الوتکې په شان په خورا زیات سرعت تګ راتګ کولی شي.
د (هایپرلوپ ترانسپورتېشن ټکنالوجي کمپنۍ) په امریکا کې د دغه هایپرلوپ د جوړولو قرارداد اخیستی دی.
دا کمپنۍ به د امریکا د ایالتونو ترمنځ د هایپرلوپ د جوړولو سروې وکړي.
دغه شرکت د ایلونای ایالت د ترانسپورت له ادارې او د اوهایو د شمالي سیمې د همږغۍ له ریاست سره قرارداد لاسلیک کړی دی.
دا هایپرلوپ به ښايي د کلیولنډ او شیکاګو ښارونو ترمنځ جوړ شي.
د دغه هایپرلوپ د جوړېدو په نتیجه کې به د دغو دوو ښارونو ترمنځ ۵ ساعته سفر، چې ۳۱۳ مایله دی، ۲۸ دقیقو ته رالنډ شي.
په ډېرو ځایونو کې به د هایپرلوپ ټیوب تر مځکې لاندې جوړ شي.
قوانین، د مځکو استملاک او رانیول هغه ستونزې دي چې حاضردمه د هایپرلوپ ترانسپورتېشن ټکنالوجي کمپنۍ یې د حل کولو هڅه کوي.
په ۲۰۱۵ م کال د ټیسلا کمپنۍ خاوند کاناډايي الاصله پانګوال ایلان مسک د واشنګټن او نیویارک ترمنځ تر ټولو د اوږده هایپرلوپ تونل د جوړولو اعلان وکړ.
هایپرلوپ څه شی دی؟
په لاندې ویدیو کې یې ووینئ چې د راتلونکي وخت اصلي ترانسپورتي وسیله به وي.