تاند- اپل کمپنۍ په هوا کې د طراحۍ د قلم د اختراع کولو د امتیاز حق خپل کړ.
د اپل کمپنۍ له لوري په دې ځیرک سمارټ قلم په فضا یا هوا کې رسم یا طرحه کښل کېږي.
دا قلم په آی پاډ پرو (iPad Pro) کار کوي خو اپل غواړي چې دا پروګرام زیات پراخ کړي.
د اپل له لوري د اختراع د حق په ثبت شوي امتیاز کې ویل شوي چې په دې قلم په هر ځای کې حتي فضا او هوا کې لیکل کېدای شي.
په هوا کې کښل شوې طرحه یا خط د لپ ټاپ یا مانیټر د سینسرونو په وسله فعالېږي.
له دې ټکنالوژۍ څخه د کاغذ پر مخ هم کار اخیستل کېدای شي.
په دې قلم دوه بعدي او درې بعدي انځورنه هم کښل کېدای شي.