مڼه خورئ
خامخا به مو تر دې دمه د مڼې په اړه هر ډول خبرې اورېدلي وي او په دې به هم پوه شوي یاست ، چې مڼه څنګه میوه ده؟
په دې میوه کې د شته لوړ غذايي ارزښت له امله کولای شي د انسان په سلامتیا کې مهم رول ولوبوي . ددې میوې یوه ښه ځانګړنه دا ده ، چې په ټوله نړۍ کې پیدا کیږي ، نو ښه خبره ده ، چې د ماشومانو لپاره ددې میوې له ګټو خبر شئ .
که خپل ماشوم ته مو د ورځې یوه مڼه ورکړه ، نو د هېڅ ډول ناروغۍ ویره مه احساسوئ .
مڼه کولای شي ، چې د تبې درجه راټيټه کړي او د ستونې درد لپاره ، خو ډېره ګټوره ده . نوي زیږيدلي ماشومان د شپې ډوډۍ خوړلو له امله نه شي کولای ښه خوب ولري ، نو په دې خاطر باید تاسو خپلو ماشومانو ته یوه دانه خوږه مڼه ورکړئ او مه یې پریږدۍ ، چې د شپې ډوډۍ وخوري ، د مڼې تر خوړولو وروسته به ماشوم ډېر ارام او ښه خوب ولري .
مڼه کولای شي ، چې د بیلابیلو ناروغیو مخه ونیسي ، په مڼو کې د پلي فینول موادو شتون ددې باعث ګرځي ، چې د خیټې پوستکی له هر ډول ناروغیو وساتي .
دغه راز مڼه کولای شي ، چې معده ، ځیګر تقویه کړي او اشتها راولي ، خو د ماشومانو د اشتها لپاره خورا ګټوره میوه ده .
ه ماشومانو کې د وینې شکر منظم حالت د ماشوم په سلامتیا کې تر هر څه ډېر مهم دی . که چېرې په وینه کې د شکرو اندازه کمه وي ، نو بیا د ستړیا او بې وخته خوب راتلو باعث ګرځي او که چېرته بیا د وینې شکر زیات شي د انسولینو د زیاتېدو باعث ګرځي .
د څیړنو له مخې هغه خلک ، چې د نفس تنګۍ ناروغي لري هر سهار دې یوه دانه مڼه وخوري . په دې څیړنه کې دغه راز ویل شوي د هغو ماشومانو میندې ، چې د امیدوارۍ پرمهال له مڼو ډېره ګټه اخسته نسبت هغو ته ، چې په دې حالت کې یې کمې مڼې خوړلي ماشومان یې ډېر کم له نفس تنګۍ سره مخ کیږي .
ویل کیږي ، چې سره مڼه کولای شي د ماشومانو خارجي برخه تقویه کړي او له راز بهرنۍ صدمې یې وساتي .
ه مڼو کې شته اسیدونه ددې باعث ګرځي ، چې د ژولو پرمهال په خوله کې هر ډول شته بکتریا له منځه یوسي . د مڼو ژول یواځې د وینې جریان نه زیاتوي بلکې د غاښونو د کریم په توګه غاښونه پاکوی .
مڼو مغذي برخه کولای شي ، چې د غاښونو په جوړښت کې مهمه دنده ترسره کړي .
