تاند (شنبه، د اسد ۱۱) د سي بي ایس نیوز د راپور په اساس امریکا کې د دوو الوتکو د ټکر پېښه کې ۶ تنه وژل شوي دي.
سرچینه کاږي دغه پېښه د امریکا په الاسکا ایالت کې رامنځته شوې چې د الاسکا د پارلمان رئیس هم پکې وژل شوی دی.
سي بي ایس د امریکا د هوانوردۍ ادارې په حواله خبر ورکړی چې د جمعې په شپه د الاسکا په انکوریج کې یوې (ډي هاویلند ډي، ایچ، سي) ډوله الوتکې له یوې ناپېژاندې الوتکې سره ټکر کړی چې د الاسکا د پارلمان د رئیس په ګډون ۶ کسانو پکې خپل ژوند له لاسه ورکړی دی.
تر اوسه د پېښې د څرنګوالي په اړه ډېر جزیات نه دي ورکړل شوي خو د څېړلو په موخه یې سیمې ته پلاوی استول شوی دی.