تاند(جمعه، د اسد ۱۰) سږکال د حج مراسم د سعودي عربستان دننه شاوخوا ۱۰۰۰ حاجیانو پورې محدود دي، چې ۷۰٪ یې د سعودي عربستان بهرني اوسیدونکي دي.
پداسې حال کې چې د خدای کور ته د حاجیانو شمیره سږکال د نورو هیوادونو د اتباعو لخوا د اجازې نشتوالي له امله خورا ټیټه وه، مګر دې حاجیانو د ټولنیز واټن په لیدو او د ماسک په اغوستلو سره د کعبې طواف ترسره کړ.
په تیرو کلونو کې، کعبې ته د حاجیانو شمیر هر کال دوه ملیونو ته رسیده.
د شیطان د لومړي سمبولیک تعقیب وروسته، حاجیانو د ځانګړو روغتیایي مقرراتو سره په مطابقت کې د کعبې د طواف اوه دورې ترسره کړې.
حاجیانو د کورونا ویروس سره د مبارزې لپاره ۵۰ څخه کوچني ګروپونو کې له یو بل څخه خوندي واټن ساتلی و.
د اختر لمونځ په نورو هیوادونو کې هم د ځانګړو اقداماتو سره ادا کیده.
د اندونیزیا یوه تبعه، دیویتا الهامي وویل ، “د سږ کال عید الاضحی له پخوانیو سره خورا توپیر لري ځکه چې موږ باید د لمونځ کولو پر مهال ټولنیز واټن په څیر صحي تدبیرونه ونیسو.”
د هند په کرالای ایالت کې حکومت مسلمانانو ته ځانګړي امرونه صادر کړي وو.
یو هندي تبعه ، یعقوب نعیمي وویل: “موږ د حکومت او روغتیا وزارت لخوا خپاره شوي لارښوونې تعقیب کوو، او موږ د دوی لارښوونو سره سم د اختر لمونځونه کوو.”
په عین حال کې، په ترکیه کې مسلمانانو په استانبول کې د ایاصوفیه په جومات کې د کوچني اختر لومړی لمونځ ادا کړ.
د ایاصوفیه اوسنۍ ودانۍ د شپږمې میلادي پیړۍ پورې اړه لري ، کله چې دا د ختیځ رومن امپراطورۍ پلازمینه ، په قسطنطنیه کې د ارتودوکس کلیسا په توګه جوړه شوې وه.
د عثمانیانو ځواک ته رسیدو سره، کلیسا د هغې له تاسیس نهه پیړۍ وروسته په جومات بدله شوه او په ۱۹۳۴ کال کې د ایاصوفیه د عصري ورځې په رامنځته کیدو سره، دا په یوه موزیم بدل شو، خو د اردوغان حکومت د خپل هیواد لمونځ کونکو ته خلاص کړ.
دا چې سږکال تر لس زره پورې سعودي میشته حاجیان پنځه ورځني حج مراسم ترسره کوي. په داسې حال کې تیرکال د حاجیانو شمیر دوه نیم میلیونه وګړو ته رسیده.
نو په دې لږ شمیر حاجیانو سره به سږکال سعودي عربستان ډیره لږه اقتصادي ګټه وکړي.
په دې مانا : چې راتلونکی نوی هجري کال به د یمن په مظلومو ولسونو په آرامه او یو څه هوساینه کې تیر شي، په چا چې سعودي عربستان په مشرۍ عربي ایتلافي ځواکونه بمبار کوي، دا جګړه چې د 2015 کال راهیسې پیل شوې ده، اوس هم دوام لري. د ملګرو ملتونو یوه سروې انديښنه ښایي، که چرته جګړه نوره هم دوام وکړي، نو یمن به د تیرو سلو کلنو د نړۍ ستر قحط او بشري ناورین سره مخ شي او ریکارډ به جوړ کړي. لکه څرنګه چې تیرو کلونو کې سختې جګړې د فقر کچه په دې هیواد د پنځه څلویښت څخه اویا سلنې ته پورته کړه، او 2.2 ملیونه ماشومان یې د خورځواکۍ په ټغر کینول.
مقصد، د دې نړۍ پالونکی په دې پوهیږي چې د کرونا وایرس د څومره ښکرورو او ځوارکو او کبرجونو هیوادونو لپاره یوه سزا ده، او د مظلومانو لپاره انصاف !