تاند ( جمعه ، د اسد ۱۰) سیګار ادارې راپور ورکړی، چې افغانستان د کورونا ویروس په خاطر له سخت اقتصادي حالت سره مخ دی.
د افغانستان د بیارغونې لپاره د امریکا د مرستو پر سر د څار ادارې په راپور کې دا ګواښ شوی، چې د کورونا وبا د اقتصادي تاوان په خاطر میلیونونه افغانان له لوږې سره مخ کېدای شي.
سرچینې دا خبرې تیره ورځ په یوه راپور کې د امریکا کانګرس ته کړي دي.
د سرچینې په خبره، چې د افغانستان اقتصاد سږ کال ۱۰ سلنه ځوړ حالت ته تللی دی او زیاته کړې یې ده، چې ښايي په دې سره میلیونونه افغانان د لوږې له ګواښ سره مخ شي.
سیګار ویلي، چې د کورونا د اقتصادي زیان له امله د بیکارۍ کچه ډېره لوړه شو.
سرچینه وایي دغه راز د سرحدي لارو تړل کېدل و په سبب د خوړو کموالی او د قیمتونو زیاتوالي له امله د افغانانو غذايي مصئونیت له خطر سره مخ شوی دی.
کورونا ویروس د نړۍ ټول هیوادونه زیانمن کړل خو د معلوماتو له مخې په ټوله نړۍ کې امریکا ډیره زیانمنه کړه.