تاند- څېړونکي وايي، د ماینونو د ځای د معلومولو لپاره یې یوه نوې لار موندلې چې له باکتریاوو پکې کار اخیستل کېږي.
دوی هیله لري چې د دې طریقې په وسیله به د ماین په چاودنو د انسانانو د مرګ ژوبلو مخه ونیسي.
د ساینسپوهانو په وینا په اوسني شکل د ماینونو د شنډولو په مهال ماین پاکان زیات ژوبلېږي.
دوی وايي، د باکتریاوو په جنیټیک کې یې داسي تغییر راوستی چې هغوی د لیزر تر وړانګو لاندې او د بړاس د موجودیت په صورت کې د ماین په ځای کې وځلېږي.
دوی دا سیستم د ماینونو په یوه ساحه کې وازمایه او ښه نتیجه یې ترلاسه کړه.
دوی په عین حال کې وايي چې باید ډېر نور کار وکړي چې دا طریقه بریالۍ کړي.