تاند (سه شنبه، د اسد ۷) روسي رسنۍ ار ټي وايي د طالبانو د رهبرۍ شورا تازه پرېکړه کړې چې په ټول افغانستان کې باید خصوصي کمپنۍ، موسسې، انجوګانې او شرکتونه د دوی تر نفوذ او اغیزې لاندې وي.
د سرچینې په خبره طالبانو ویلي چې ځیني یاد شوي بنسټونه د افغانستان د ملي ارزښتونو خلاف دي چې باید دوی یې تر خپل څار لاندې راولي.
دغې روسي رسنۍ خبر ورکړی چې طالبان غواړي د افغانستان ډیری موسسات او خصوصي کمپنۍ ورسره ثبت او راجستر شي او د دوی تر امر لاندې خپلو فعالیتونو ته دوام ورکړي.
د راپورونو له مخې طالبانو تر دې وړاندې هم ځینو کمپنیو او شرکتونو ته خبرداری ورکړی وو او ګواښلي یې وو.