تاند- ویل کېږي چې د ځینو ژبو زده کول سخته دي. که څه هم د ژبو زده کړه له دې سره اړه لري چې د هغې زده کوونکی د هغې د زده کولو څومره انګېزه لري. یعني که اقتصادي یا نورې ګټې پکې ویني نو په اسانه یې زده کوي خو که داسي کومه انګېزه ونه لري څوک په اسانه نه حاضرېږي چې د یوې بلې ژبې په زده کولو ځان په تکلیف کړي.
سره له دې چې د افغانستان د خلکو په ژبو کې په سلو کې تر ۵۰ زیات الفاظ سره شریک دي خو اکثره غیرپښتانه ممکن د انګېزې د نه لرلو له کبله نه غواړي چې پښتو زده کړي.
د کلماتو شراکت ډېر مهم دی. عربي ژبه چې موږ ته د ډېرو نورو ژبو په پرتله اسانه ښکاري د نړۍ دوهمه سخته ژبه ګڼل شوې ده.
خو که له دې تېر شو، په نړۍ کې ځینې ژبې شته چې ویل کېږي په نسبې ډول یې زده کړه سخته ده.
له ښه مرغه پښتو په دغو ژبو کې شامله نه ده.
د دغو سختو ژبو په سر کې چینايي ژبه یاده شوې چې په هانګ کانګ، مکاو او د چین په ځینو نورو برخو کې ویل کېږي.
په لاندې ویدیو کې نورې سختې ژبې ووینئ: