تاند (جمعه، د اسد ۳) واشنګټن په روسیې تور پورې کړی چې د سپوږمکو ویشتونکی توغندی یې ازمویلی.
واشنګټن وايي ښايي روسیه ددې توغندیو په وسیله د امریکا او د امریکا د متحدانو مهمې سپوږمکۍ له خطر سره مخ کړي.
د روسیې دفاع وزارت ویلي چې د جولای په ۱۵ یوې کوچنۍ فضايي بېړۍ خپله یوه سپوږمکۍ د ځانګړو تجهیزاتو په وسیله تفتیش کړه.
متحده ایالاتو بیا پرون وویل چې یادې بیړۍ ددې خلاف بل ماموریت درلود.
د امریکا د فضايي ځواک قومندان جنرال رایموند وویل د روسیې د سپوږمکیو دغه سیستم چې د ځمکې په مدار کې د ګرځنده وسلو د ازموینو لپاره کارول کېږي، هماغه سیستم دی چې موږ د روان کال په پیل کې هغه مهال چې د امریکا د حکومت یوې سپوږمکۍ ته نږدې شوه د هغو په اړه خپله اندېښنه څرګنده کړې وه.