تاند (سه شنبه، د سرطان ۳۱) په پروان ولایت کې د امنیتي ځواکونو او طالبانو تر مینځ نښته کې ۲۱ تنو ته مرګژوبله اوښتې ده.
د پروان ولایت سیمه ییز چارواکي وايي طالبانو تېره شپه شاوخوا ۱۱ بجې د سیاه ګرد او شینوارو ولسوالۍ په امنیتي پوستو بریدونه وکړل چې تر نن سهار ۳:۳۰ بجو نښتې دوام درلود.
د پروان د والي ویانده وحیده شهکار وايي چې په دغو نښتو کې د ملي اردو درې سرتېري وژل شوي او درې نور ټپیان دي.
د شهکار په خبره په یاده نښته کې د پروان لپاره د طالبانو د نوموتي والي د کورنۍ د یوه غړي په ګډون د یادې ډلې ۷ غړي وژل شوي او شپږ نور ټپیان شوي دي.
همدارنګه د پروان په شینوارو ولسوالۍ د طالبانو د برید په پایله کې دوه پولیس ټپیان شوي دي.
طالبانو تر اوسه په دې اړه څه نه دي ویلي.