پر څوکۍ ناست پیره دار، کلاشنکوف دیواله ته تکیه کړی و او پر موبایل یې داسې سر ور ځوړند کړی و؛ لکه د خطرناکو مجرمینو د نیولو پلان چې طرح کوي.
رنجر یې خواته ودریده؛ خو دی هماغه شان موبایل کې غرق و. له مخکې سیټه یو دنګ سړی ،چې پر اوږو یې نښانونه ټومبلي و او تورې چرمي موزې یې پر پښو وې، راښکته شو. پیردار ته مخامخ ودرید. ځوان له څوکۍ پورته شو، سلامي یې ووهله او بیا یې غږ کړ:
امر وکړئ صیب!
ما ویل اوس به امر صیب یوه عسکري څپیړه ور حواله کړي؛ خو هغه ورته ویل:
ناځوانه، دې ورځو کې دې هیڅ د لایک او کمنټ مزه نشته!
د چنګاښ ۲۹مه، ۱۳۹۹
نعمان دوست