تاند ( دوشنبه، د سرطان ۳۰) د ایران عدلي چارواکو ویلي، چې ایران هغه کس اعدام کړ کوم، چې د سپاه پاسداران پخواني مشر، قاسم سلیماني په تړاو یې امریکا او اسراییلو ته معلومات ورکول.
د ایران عدلي چارواکو زیاته کړې، چې یاد کس محمود موسوي مجد نومیږي او په دې تورن و، چې د سپاه پاسداران په تړاو یې د امریکا او اسراییلو استخباراتي څانګو ته مالومات ورکول.
د ایران د سپاه پاسداران د ځواکونود قدس د څانګې عمومي قومندان قاسم سلیمانې څه موده وړاندې په بغداد کې د امریکایي ځواکونو په هوایي برید کې ووژل شو.
د سلیماني په وژل کیدو زیات غبرګونونه هم راپورته شول.
د نوموړي وژل کیدو سره د امریکا متحده ایالت او ایران ترمنځ هم اړیکې ډيرې ترینګلې شوې، چې تراوسه دواړه هیوادونه روغې اړیکې نه لري.
امریکا ویلي وو، چې قاسم سلیماني د سلګونو تنو عراقي او امریکايي وګړو د مرګ ژوبلې او د تیرو څو میاشتو راهیسې په عراق کې د ترسره شوو بریدونو امر ورکوونکی دی نو ځکه یې ووژاه.