تاند(یکشنبه، د سرطان ۲۹) د ولسمشر ویاند صدیق صدیقي وايي چې د سولې په پروسه کې د حکومت دریځ اصولي دی او دا به په کلکه د جمهوریت له اصلي محور څخه دفاع وکړي، چې د بیان ازادي او رسنۍ دي.
صدیق صدیقي نن یکشنبه، د سرطان ۲۹مه په خپل ټویټر پاڼه کې لیکلي چې د افغانستان د خلاصې ټولنې ارزښتونه یو حقیقت دی چې طالبان یې باید هضم کړي.
په ورته وخت کې، تل د سولې په پروسه کې د مدني آزادیو او رسنیو د قربانۍ په اړه اندیښنې شتون لري.
د مدني ټولنې فعالان اندیښمن دي چې طالبان به د تیرو دوه لسیزو لاسته راوړنې له لاسه ورکړي.
ټاکل شوې ده د حکومت او طالبانو ترمنځ مستقیمې خبرې په راتلونکو اونیو کې پیل شي.
د دې خبرو اترو پیل د بندیانو د خوشې کیدو د پروسې په بشپړیدو پورې اړه لري.
د متحده ایالاتو د هوکړې له مخې، ۱۰۰۰ افغان بندیانو د خوشې کولو په بدل کې باید ۵۰۰۰ طالب بندیان خوشې شي، کوم چې د بین الافغانی خبرو له پیل نه مخکې ترسره شوي وو.
حکومت او طالبان په دې وروستیو کې د ۶۰۰ طالب بندیانو خوشې کیدو په سر خبرې پیل کړي.
حکومت وايي د طالب بندیانو دغه شمیر بندیان په جرمونو او خونړیو حملو کې دخیل دي او خوشې به نه شي؛ خو طالبان د دوی په خوشې کیدو ټینګار کوي.