تاند (یکشنبه، د سرطان ۲۹) غور کې د یوې نجلۍ له لوري دوه طالب جنګیالي په ډزو وژل شوي دي.
په غور کې یوې نجلۍ وروسته له هغه چې مور او پلار یې د طالبانو له لوري ووژل شول، دوه طالب جنګیالي وژلي او یو بل یې ټپي کړی دی.
د غور ولایت د تیورې ولسوالۍ ولسوال محمد رفیق علم وویل، دوه شپې مخکې طالبانو د یوه محلي قومندان په کور باندې برید کې هغه او د هغه مېرمن او یو بل کس وژلي دي.
د علم په خبره د قومندان تر وژل کېدو ورسته د هغه کوچنۍ لور په طالبانو برید کړی چې په پایله کې یې د طالبانو دوه غړي وژلي او ددې ډلې د استخباراتو معاون ټپي شوی دی.
ښاغلي علم وویل تر اوسه د قومندان د وژل کېدو علت نه دی په ډاګه شوی، خو ماشومان یې خوندي دي.
طالبانو تر اوسه په دې اړه څه نه دي ویلي.
واه زمرۍ، واه اتلې، آفرین شه ستا په جرآت.