تاند- فرانسوي څېړونکي وايي، د قند یا شکر د ناروغۍ له درملو څخه په کار اخیستلو یې د وینې د سرطان د درملنې لپاره ښې نتیجې ترلاسه کړي دي.
د دوی په وینا د دیابت یا شکر یو ډول درمل د سرطان خپروونکي حجرې لږې کړي.
دا کشف د وینې د یو ډول زیات عام سرطان د مخنیوي لپاره یو مهم پرمختګ دی.
فرانسوي څېړونکو دا درمل په ۲۴ ناروغانو ازمېښت کړي چې په سلو کې ۵۷ تنه یې په ۱۰ میاشتو کې ښه شوي خو دوی وايي چې باید په دې برخه کې زیاتې څېړنې وشي څو نهايي نتیجه ترلاسه شي.
په فرانسه کې هر کال د وینې د سرطان شپږ سوه نوي ډولونه پېژندل کېږي.