د سریلانکا د سپورت برخې مسئول الوت ګاماګی ویلي، چې سنګاکارا، جایاوردنه، اراوېنډ ډیسیلوا او اپال ترنګا څخه څېړنې کېږي، چې د ۲۰۱۱ م کال نړیوال جام د بایللو علتونه روښانه کړي.
د سریلانکا د ۲۰۱۱ م کال پرمهال د ورزش وزیر مهین اناندا دا اقدام وروسته له هغې کوي، چې تېره میاشت د سریلانکا په لوبډله تور ولګول شو، چې ۲۰۱۱ م کال نړیوال پنځوس اوریز جام پایلوبه کې یې جوجاړی یا مېچ فېکسېنګ کړی و او د نړیوال جام پایلوبه یې هندوستان ته بایللې وه.
اراوېنډ ډېسیلو: لوبډله کې مو تغیر د فساد له امله نه و رامنځته شوی
