تاند ( چهارشنبه، د سرطان ۱۸) د کلیو بیارغونې او پراختیا وزارت مسولانو د هېواد په ۲۹ ولایتونو کې د کابو ۷۲۳ میلیونه افغانیو په ارزښت د ۲۵۹ پرمختیایې پروژو هوکړه لیکونه لاسلیک کړل.
د یاد وزارت په خبرپاڼه کې ویل شوي په دې پروژو کې ۱۴۸ د اوبو رسولو شبکې ۱۲۷ ژورې او سطحي څاه ګانې، د اوبو ۹۹ زیرمې ۷ خوندي ټټۍ او ۴۲۵۰ متره د اوبه خور کانال لري شامل دي.
سرچینه وایي له یادو پروژو به ۳۷۴ زره کلیوال ګټه پورته کړي.
سرچینې زیاته کړې، چې د دې پروژو یوه برخه له ملي بودیجې او بله برخه یې د امریکا متحدو ایالتونو د پرمختیایي ادارې او همدازار د یونیسف له لوري تمویلیږي.
د کلیو بیا رغونې او پراختیا ریاست د معلوماتو له مخې دمګړۍ د افغانستان په کلیو او ښارونو کې ۱۷ میلیونه وګړي د څښاک له پاکو اوبو برخمن دي.
یاد وزارت وایي دوی هڅه کوي چې تر ۲۰۳۰ کاله ۱۰۰ سلنه کلیوال د څښاک پاکو اوبو ته لاسرسی پيدا کړي.