خبریاله: عاقله اسد (یکشنبه د سرطان ۱۵) د افغانستان حکومت وايي، د سولې د خبرو د پیل لپاره هر ډول ژمنې یې پوره کړې دي او ټول اړین ګامونه یې اخیستي دي.
د ولسمشر ویاند صدیق صدیقي رسنیو ته ویلي، حکومت غواړي نن (یکشنبه) ۴۰۰ طالب بندیان خوشې کړي.
د هغه په وینا ، نن ورځ افغان حکومت د بندیانو د خوشې کیدو په اړه خپل وروستی دریځ اعلانوي.
د دې بندیانو له خوشې کیدو سره به د خوشې شویو طالب بندیانوشمیر ۴۵۰۰ ته ورسیږي.
افغان چارواکي دغه راز له طالبانو غواړي چې مناسب اقدام وکړي او هغه ۱۰۰۰ حکومتي ځواکونه چې د طالبانو له خوا نیول شوې ژر افغان حکومت ته وسپاري.
تر دي دمه وسله والو طالبانو د افغان لوري له ۵۰۰ تر ۶۰۰ بندیان خوشې کړې دي.
طالبانو تل په دې ټینګار کړی چې بین الافغاني خبرې به هغه وخت پيل کړي کله چې افغان حکومت د دوی ۵۰۰۰ بندیان خوشې کړي.
د افغانستان حکومت د شاوخوا ۴۰۰ طالب بندیانو، چې طالبانو یې د خلاصون لپاره حکومت ته په لیست کې نومونه ورکړي، د خوشي کولو پر ځای د نورو طالبانو خوشي کوي.