تاند ( چهارشنبه،د سرطان ۱۱) ـ مزارشریف ښار کې نن ماخوستن دوه پرله پسې چاودنو له امله د پولیسو په ګډون ۱۰ تنو ته مرګ ژوبله واوښته.
د بلخ امنیتي چارواکي وایي، ماینونه د دریمې امنیتي حوزې سیمه کې په یوه ګلدان کې ایښودل شوي وو.
دوی وایي په دې چاودنو کې ۱ تن وژل شوی او ۹ نور ټپيان دي.
د بلخ د عامې روغتیا رئيس ډاکتر نظام الدین جلیل وایي، چې د نن شپې د پيښې له ځای نه دوی ته ۱ جسد او ۹ ټپيان ور وړل شوي دي.
جلیل زیاته کړه په ټپيانو کې د ۴ تنو وضعیت د اندیښنې وړ دی.
په ورته مهال د یاد ولایت د امنیه قومندانۍ ویاند د دې پيښو د منلو تائید ترڅنګ په یادو چاودنو کې ۱ ملکي وګړی وژل شوی او په ټپيانو کې ۵ نظامیان او ۴ نور یې ملکیان دي.
هغه زیاته کړه، چې په ټپیانو کې د دریمې امنیتي حوزې مرستیال هم شامل دی.
تر دې دمه د دې پيښې مسولیت چا نه دی منلی.
الله د خیر کړي .
زما په ګومان ملا صاحب صلاح الدین رباني بیا غرونو ته وخوت او خپل پدري کسب یعنې انسان وژلو ته یې ملا وتړله .