تاند(چهارشنبه، د سرطان۱۱) د جمعیت ګوند مشرانو نن (چهارشنبه) په یوه غونډه کې صلاح الدین رباني د ګوند له مشرۍ ګوښه کړ.
د راپور پر اساس استاد سیدعنایت الله شاداب د ګوند د عمومي غونډې تر جوړېدو او انتخاباتو پورې د صلاح الدین رباني پر ځای د دغه ګوند مشر ټاکل شوی دی.
د دې راپور له مخې، په دې غونډه کې، چې د عطامحمد نور په کور کې د جمعیت ګوند د مهمو غړیو په شمول د دغه ګوند د مشرتابه شورا ۴۷ غړیو پکې ګډون کړی وو، د صلاح الدین رباني له برطرفۍ سره موافقه وشوه.
د بلخ پحواني والي او د جمعیت ګوند اجرايي ريیس عطامحمد نور بې له دې چې د رباني برطرفۍ ته اشاره وکړي پر خپله فیسبوکپاڼه د جمعیت ګوند د مشرتابه شورا د غونډې د یو شمېر پرېکړو یادونه کړې ده.
عطامحمد نور لیکلي چې دا غونډه د ده په مشرۍ د جمعیت ګوند د مشرتابه شورا په درو کې د څه باندې درې برخې غړیو په ګډون جوړه شوې وه او په هغې کې له طالبانو سره د پخلاینې، په حکومت کې د ګډون، بیارغونې او د جمعیت ګوند د لا فعالېدو په اړه بحثونه او پرېکړې وشوې.
په غونډه کې د جمعیت ګوند د مشرتابه شورا د اکثریت غړیو پر ګډون د ښاغلي نور ټینګار ښيي چې په غونډه کې کومه مهمه پرېکړه شوې ده.
ښاغلي نور ویلي چې د ګوند یو بنسټګر سید عنایت الله شاداب د نوي مشر تر ټاکل کېدو پورې د جمعیت ګوند د غونډو مشري په غاړه اخلي.
عطا محمد نور ویلي چې د جمعیت ګوند د مشرتابه شورا لاندې غړیو د دې فیصلې ملاتړ کړی دی:
سترجنرال عطامحمدنور – امیر محمد اسماعیل خان
کلیم الله نقیبی – محمد یونس قانونی
استاد عنایت الله شاداب – عبدالستار مراد
حاجي حضرت علي – فضل الکریم ایماق
بسم الله محمدي – استاد شیرمقصود حیدري
جنرال بازمحمد احمدي – بصیره سلطاني
قاضیغلامفاروق شیرزادی – سید اعلی هاشمي
عبدالشکور واقف حکیمی – استاد اجرالدین اقبال
مولوي عبدالعزیز عزیزي – عبدالاحد سلطانزوی
حلیمه عسکري – انجنیر عجب گل
ډاکتر محی الدین مهدی – عبدالحفیظ منصور
معلم عبدالخالق مجاهد – مولویشفیع الله نورستانی
استادفضل الرحیم بصیرت – استاد عبدالمالک هموار
جنرال عبدالبصیر سالنگي – نور رحمن اخلاقي
جنرال عبدالخالق – علم خان آزادی
مولوی اسدالله جمالی – قاری غلام محمد مصئون
حسام الدین تالقانی – سید احمد قتالی
عنایت الله نظری – سید ناصر یعقوبی
قاضی عبدالباری – قاری حیات الله
حسین شاه رحمانی – داکتر شمس الحق آریانفر
حاجی محمد رحیم ایوبی- کمال الدین حامد
استاد واصل نور مهمند – حاجی محمد انور باوري
جنرال ضیاالدین دلدار – عبدالواحد خراساني
ښاغلي نور همداراز ویلي چې د مشرتابه شورا له ۶۲ اوسنیو غړیو ۴۷ تنو د دې پرېکړې ملاتړ کړی دی.
صلاح الدین ربانی چه د جمیعت ګوند مشرتابه څخه لیری کیدل ناممکن دی ځکه چه دا ګوند له پلار څخه ورته په میراث کی پاتی دی،
خلکو به صلاح الدین د ګوند له مشری څخه شړلی وی،خو نوموړی دا فیصله نه منی،
ګلبدین اسلامی حزب هم میراثی دی،یعنی د زامن او زومان یی به یی تر قیامته پوری مشری کوی،
دا خلکو په همدا کی روزی ده،نور څه یی نه ده زده،