تاند (دوشنبه، د سرطان ۸) په تیرو ۲۴ ساعتونو کې له کورونا وایرس څخه ۱۳۳۰ تنه رغیدلي او ۲۷۱ تازه مثبتې پیښې ثبت شوې دي.
د افغانستان د عامې روغتیا وزارت د مالوماتو له مخې په تېرو ۲۴ ساعتونو کې په هېواد کې د کورونا وایرس ۲۷۱ تازه مثبتې پېښې ثبت شوي او له دې سره د ټولو مثبتو پېښو شمېر ۳۱،۲۳۸ ته ورسید.
د یاد وزارت د خپرو شویو مالوماتو له مخې چې نن دوشنبې (د چنګاښ په ۹مه نېټه) یې شریک کړي، ښیې چې اوسمهال په هېواد کې د کورونا ویروس ۱۶،۵۷۱ پېښې فعالې دي.
همداراز په تیرو ۲۴ ساعتونو کې د کورونا وایرس ۱۲ ناروغان مړه شوي چې۴کابل، ۴ پروان، ۱ هرات او ۳ هم په ننګرهار ولایت کې دي. له دې سره په دې وبا د ټولو مړو شویو کسانو شمېر ۷۳۳ ته رسیږي.
د عامې روغتیا وزارت د مالوماتو له مخې، په تېرو ۲۴ ساعتونو کې ۱۳۳۰ تنه د کوویډ۱۹ ناروغان روغ شوي هم دي او له دې سره د ټولو روغو شویو کسانو شمېر ۱۳،۹۳۴ ته ورسید.
په ۱۶ ولایتونو کې ثبت شوې پېښې په دې ډول دي:
۱۳۰ یې کابل، ۳۰ هرات، ۲۸ بلخ، ۱۴ تخار، ۱۳ بامیان،۱۲ کندهار، ۷ بغلان، ۱۲ نیمروز، ۴ بادغیس، ۱لغمان، ۱ وردګ،۵ کونړ، ۴ هلمند، ۲ زابل او ۵ هم په پنجشېر.
په همدې حال کې په درسته نړۍ کې په کورونا د اخته کسانو شمېر ۱۰ ملیونه ۲ لکه ۶۰ زرو ته رسېدلی او ۵ لکه ۴ زره ورڅخه مړه شوي دي.